Aral dənizini xilas etmək üçün Dünya Bankı 126 milyon dollar ayırıb

Qazaxıstan hökuməti Aral dənizinin xilası üçün kredit alıb. Dünya Bankı ekoloji fəlakətin nəticələrini qismən düzəltməyə imkan verəcək proyektin reallaşmasına 126 milyon dollar ayırıb.

Aral dənizi hələ ötən əsrin 70-ci illərində qurumağa başlayıb, o vaxt ona axan çaylardan pambığın suvarılması üçün istifadə edilirdi.

Artıq 1990-cı ildə Aral dənizinin suyunun dördə bir hissəsi qalıb.

2005-ci ildə Dünya Bankının krediti hesabına dənizi iki yerə bölən bənd tikilib ki, bu da Aralın şimalında suyun səviyyəsini 4 metr qaldırmağa imkan verib.