2020-ci ildə Mərkəzi və Şərqi Avropa ölkələrində təbii qaza tələbat 37,5 faiz artacaq. Rusiya yəqin ki, bu bazara əsas tədarükçülər arasında birinci yeri qoruyub saxlayacaq.
Bunu Almaniyanın «E. O N Ruhrgas» konserninin şərqi tədarük bölməsinin baş vitse-prezidenti Uve Fip bildirib.
Onun dediyinə görə, hazırda Polşa, Çexiya, Slovakiya, Avstriya, Rumıniya, Bolqarıstan və Macarıstanda qaza cari tələbat ildə 80 milyard kubmetr təşkil edir. Bu zaman Rusiya tədarükün 57 faizini təmin edir, 30 faiz region ölkələrində hasil olunur, 13 faiz isə digər ölkələrdən idxal edilir.