Beynəlxalq Jurnalistləri Müdafiə Komitəsi Azərbaycan hökumətinə belə bir çağırışla müraciət edib. Təşkilatın icraçı direktoru Coel Saymon deyir ki, Azərbaycan regionda daha çox jurnalistin həbsdə olduğu ölkədir, dünyada isə mətbuat azadlığının ən çox pozulduğu ölkələrdə siyahısındadır.
Coel Saymonun müraciətində daha sonra bildirilir: «Azərbaycan gələn ilki prezident seçkilərinə hazırlaşarkən, yeddi jurnalistin həbsi ölkənin nüfuzuna ciddi ziyan vurub. Bu jurnalistlərin Milli Mətbuat günü ərəfəsində buraxılması Azərbaycanın demokratiya və mətbuat azadlığına sadiq qalmasına yerli və beynəlxalq inamı bərpa edər».
