Son 15 gündə Azərbaycanda 9 zəhərlənmə hadisəsi qeydə alınıb. Məlumatı «Azadlıq» radiosuna Respublika Gigiyena və Epidemiologiya Mərkəzi verib. Mərkəz bildirir ki, zəhərlənmələrdən 135 nəfər zərər çəkib.
Respublika Gigiyena və Epidemiologiya Mərkəzinin araşdırması göstərib ki, zəhərlənmələrin çoxu toyuq ətindən hazırlanan qidalardan olub. Səbəb qidanın hazırlanması zamanı gigiyena qaydalarına əməl olunmamasıdır.
Keçən ay Azərbaycanda 90 zəhərlənmə hadisəsi olub, 100-dən çox adam zərər çəkib.
