Rusiya ilə Gürcüstanın məsələsi BMT Təhlükəsizlik Şurasının iclasında müzakirə olunub. Görüşdə jurnalistlər olmayıblar, sonradan Gürcüstanın səfiri İrakli Alanasiya deyib ki, əksər ölkələr Gürcüstanın ərazi bütövlüyünü dəstəklədilər, həmçinin Rusiyanı Gürcüstanın hava sərhədini pozmasını pisləyiblər.
BMT Təhlükəsizlik Şurasındakı müzakirəni rəsmi Tbilisi istəmişdi. Tbilisi deyir ki, Rusiya iyulun 8-də Gürcüstanın hava sərhədini pozub.
Rusiyanın səfiri Vitaliy Çurkin isə müzakirədən əvvəl deyib ki, gərək Gürcüstan özünün təxribatçı hərəkətindən əl çəksin, separatçı Abxaziya və Cənubi Osetiya ilə gərginliyi azaltsın. Bu separatçı bölgələri Rusiya dəstəkləyir.