DAHA BİR NEÇƏ BANK BAĞLANA BİLƏR
«Bizim yol» yazır ki, bu ilin sonuna kimi bağlanan bankların sırasına daha bir neçəsi qoşula bilər.
İlin əvvəlindən indiyədək iki bankın lisenziyasının ləğv olunduğunu xatırladan qəzet hesab edir ki, növbəti qara buludlar «Bank Technique», «Yunayted Kredit Bank» və «Bank of Azerbaijan»ın başı üzərində dolaşır. Mətbuat icmalı
Suriyada və İraqda döyüşən azərbaycanlılar həbs olunub
MTN-in keçirdiyi anti-terror əməliyyatı nəticəsində 5 Azərbaycan vətəndaşı tutulub . MTN-dən APA-ya verilən məlumata görə, onlar İŞİD, “Cəbhətül-Nusra” və “Cundu Şam” terror təşkilatlarının tərkibində Suriya və İraqda döyüşüblər.
Yerevanda Qarabağ veteranı vəhşicəsinə döyülüb
Yerevanın mərkəzində Qarabağ müharibəsi veteranını vəhşicəsinə döyüblər. Smbat Akopyan bir neçə QHT-çi ilə birlikdə hakim Respublika Partiyasının qərargahı önündə hakimiyyətin dəyişdirilməsinə çağırırdı.Aksiya qurtarandan bir neçə dəqiqə sonra ona 5-6 mülki geyimli şəxs yaxınlaşıb və döyməyə başlayıb. Azadlıq Radiosunun Erməni xidmətinin məlumatına görə, onun qışqırığına heç bir polis yaxın gəlməyib.
İstintaq komitəsində onun döyülməsi ilə bağlı cinayət işi açılmayıb, araşdırma polisdə aparılır.
Jurnalist: "buna ancaq gülmək olar"
Jurnalist Seymur Həzinin məhkəməsində hakim əvvəlcə müdafiə tərəfinin vəsatəti yenidən qaldırmasında problem görməsə də, vəsatətlə bağlı qərarında bildirib ki, məhkəmə artıq bu vəsatətin təmin olunmaması ilə bağlı qərarını verib.
Məhkəmənin bu cür yanaşması həm vəkilin, həm də Seymur Həzinin sərt reaksiyasına səbəb oldu:
Seymur Həzi: «Buna ancaq gülmək olar».
Adil İsmayılov: «Əvvəlcə deyirsiniz vəsatət verə bilərik, sonra da deyirsiniz ki, qərar vermişik də. Çox qəribə durum yaranıb indi məhkəmələrdə. Mən artıq məhkəmələrə gəlmək belə istəmirəm. Daha hökmü də verin, çıxaq gedək də. Niyə boşuna danışırıq ki burda?!».