Azərbaycan millisi lağa qoyuldu
Futzal üzrə Avropa çempionatının pley-off mərhələsinin cavab oyunları çərçivəsində Trnava şəhərində keçirilmiş Slovakiya - Azərbaycan qarşılaşması üçün hazırlanmış oyun proqramının üz qabığında və akkreditasiya vəsiqələrinin üzərində Azərbaycan millisinin oyunçusunun karikaturası verilib.
AFFA Slovakiya Futbol Federasiyasına, Futzal Federasiyasına və UEFA-ya etirazını bildirib. Karikaturanın hazırlanması və nəşri AFFA ilə razılaşdırılmayıb.
Apple öz elektrik avtomobilini 4 ilə bazara çıxarmaq istəyir
"Apple" şirkəti öz elektrik avtomobilini 2019-cu ildə bazara çıxarmağı hədəf götürüb. Bunu işin içində olanlar «The Wall Street Journal» qəzetinə deyiblər. Ötən həftələrdə bu layihə üçün şirkət 600 nəfər işə götürüb. Avtomobilin dizaynı ilə bağlı hələ ki elə bir məlumat yoxdur. İnternetdəki fotolar da sadəcə təxminlərə əsaslanır. Avtomobilin dizaynını keçmiş «Ford» dizaynerlərindən Mark Newson öhdəsinə götürüb.
Moskvada Avropanın ən böyük məscidi
Sentyabrın 23-də Moskvada restavrasiyadan sonra Mərkəzi Məscidin açılışıdır. Yenidənqurmadan sonra bu məscid Avropada ən böytük məscid olur. Onun sahəsi 20 dəfə böyüdülüb və 19 min kv metr olub. Burda 10 min adam eyni vaxtda ibadət edə bilər. Minarələrin hündürlüyü 78 metrdir. Onlar qızılla örtülüb.
Açılış mərasiminə Rusiya prezidenti V. Putin, Türkiyə prezidenti R.T. Erdogan, Fələstin lideri M.Abbas, Qazaxıstan prezidenti N.Nazarbayev gəlib.
Məscidin restavrasiyası 170 milyon dollara başa gəlib. Bunun əsas hissəsi ianələrdir. Əsas ianəni iş adamı Süleyman Kərimov verib. İanələrin böyük hissıəsi Türkiyədən də gəlib və Türkiyə ustalar göndərib. Fələstin lideri Mahmud Abbas Fələstin uşaqları adından 25 min dollar ianə verib. Fotolar
ATƏT PA da seçkiyə müşahidəçi göndərməyəcək
ATƏT Parlament Assambleyasının prezidenti İlkka Kanerva bu il noyabrın 1-də tarixində Azərbaycanda keçiriləcək parlament seçkilərini müşahidə etməyəcəklərini açıqlayıb.
ATƏT PA-dan APA-ya verilən məlumata görə, İ. Kanerva ATƏT PA-nın Ulan-Batorda keçirilən payız sessiyası çərçivəsində bəyan edib ki, bu qararı ATƏT-in Demokratik Təsisatlar və İnsan Haqları Bürosunun (DTİHB) qərarına uyğun olaraq qəbul ediblər.
O bildirib ki, Azərbaycan ATƏT-in ənənəvi tərəfdaşı olan DTİHB-nin müşahidə missiyasının sayının məhdudlaşdırılmasını istəyib: “Bu səbəbdən bu qurum Azərbaycana göndərməyi planlaşdırdığı müşahidə missiyasını ləğv etməyə məcbur olub. Mən hesab edirəm ki, bizim yaxın tərəfdaşımız DTİHB seçkiləri müşahidə edə bilmirsə, biz də Azərbaycanda seçkiləri müşahidə etməyəcəyik”.