Rusiya Dövlət Dumasının deputatı Sergey Katanasov koronavirus şübhəsi ilə karantinə göndərilib. "Current time" xəbər verir ki, deputat Fransaya səfər etməsi barədə məlumatı Dumadan gizlədibmiş. Dumanın sədri Vyeçeslav Volodin göstəriş verib ki, onunla ünsiyyətdə olan başqa Duma üzvləri də 14 gün karantinə alınsın. Karanasov Vladimir Jironovskinin rəhbərlik etdiyi Liberal Demokrat Partiyasının üzvüdür. Onun Fransaya səfər etməsi barədə məlumat da Jirinovskiyə məlum olub, o bu məlumatı Dövlət Dumasına ötürüb.
Martın 5-dən bəri Rusiyaya Çin, Koreya, İran, İtaliya, Fransa, Almaniya və İspaniyadan qayıdanlar 14 gün karantinə alınır.