Başqa sahələrdə də qiymətlər qalxa bilər
“Elektrik enerjisi demək olar ki, bütün sahələrdə istifadə olunan məhsuldur. Ona görə, ümumilikdə qiymətlərə təsirlərdən söhbət gedə bilər”,
Bunu İqtisadi İnkişaf Nazirliyinin sözçüsü Abbas Əliyev bildirib.
“Hər şeyi əhalinin üzərinə qoymaq düzgün deyil”
Elektrik enerjisinin qiymətinin artırılmasından danışan deputat Vahid Əhmədov belə deyir. Onun AzadlıqRadiosuna müsahibəsini təqdim edirik:
– Son zamanlar neftin qiymətinin kəskin şəkildə aşağı düşməsi, milli valyutanın məzənnədən düşməsi, bank sistemindəkı çatışmazlıqlar, manata olan tələbatın lazımi səviyyədə ödənilməməsi, qıtlıq yaradılması və s. kimi səbəblər hökuməti bu addımı atmağa məcbur etdi ki,. Əlbəttə, bu addımı atmamaq da olardı, əgər vaxtında digər tədbirlər həyata keçirilsəydi. (Ətraflı)
"Bu savadsız yığını..."
İqtisadçı ekspert Natiq Cəfərli AzadlıqRadiosuna açıqlamasında Tarif Şurasının işığın qiymətinin qaldırılması haqda açıqlamasını dəyərləndirib:
“Qərardan sitat: Son 10 ildə enerji sisteminin istehsal gücü 5 min 590 meqavatdan 7 min 160 meqavata çatdırılıb, abonentlərin sayı təxminən 1 milyona yaxın artaraq 2,5 milyonu ötüb. Bu savadsız yığını düz-əməlli izah da edə bilmirlər. Bu yatırımların çoxu büdcə hesabına olub, vəsait bizim cibimizdən çıxıb. Əgər abonent sayı artıbsa, demək, daha çox satış olur, daha çox satış olursa, deməli, qazanc da artır”. (Ətraflı)