Bu il iyunun 24-ü və 25-də Azərbaycanda çox isti hava müşahidə olunub. Bunu iyunun 25-də Ekologiya və Təbii Sərvətlər naziri Muxtar Babayev BMT-nin Dövlət xidmətləri forumu çərçivəsində keçirilən seminardakı çıxışında deyib.
“Ötən gün (iyunun 24-ü) havanın temperaturu 37 dərəcə isti olub ki, bu da iyun ayı üçün rekord göstəricidir. Son 20 ildə ilk dəfədir iyun ayında belə yüksək temperatur qeydə alınıb”.
B.Babayev bunu iqlim dəyişikliyinin təzahürü hesab etdiyini söyləyib və əlavə edib ki, son 30 il ərzində Azərbaycanda orta temperatur göstəricisi 1.4 dərəcə artıb.