Qəzetin prezidenti səhv anlaması aranı qatdı
Erdogan A-Haber kanalına canlı müsahibəsində Türkiyədəki son qarşıdurmanı şərh edərək deyib ki, “əgər onun partiyası 400 yer alsaydı (və bu da konstitusiyaya dəyişikliyə imkan verirdi), onda vəziyyət başqa olacaqdı”.
“Hürriyyət” qəzeti bu şərhdən belə nəticə çıxarıb ki, Erdogan türk əsgərlərinin ölümünə gətirən Dağlıcadakı hücumu nəzərdə tutur.
“Hürriyyət” bununla bağlı social mediada belə bir tvit qoyub: “ Erdogandan Dağlıca şərhi: 400 yer qazanılsa idi, bu olmazdı”. "Hürriyət"-in bu şərhi Erdoganı qəzəbləndirib. 150 AKP tərəfdarı qəzetin İstanbuldakı redaksiyasına hücum çəkib.
Sərin sular bahalandı
“Azərbaycan Coca-Cola Bottlers” MMC sentyabrın 7-dən sərinləşdirici içkilərin qiymətini artırıb. 30 qəpiklik Cola indi 35 qəpik olur. “Coca-Cola” şirkəti bu ilin 8 ayı ərzində artıq ikinci dəfədirki qiymətləri artırır. İlk qiymət artımı yanvar ayının 24-də olmuşdu. Ən çox diqqət çəkən məqam sadə suyun (Bonaqua ) yanvardan bəri 50% bahalanmasıdır.
Avtobuslar Bakıda qəza şəraiti yaradır
Eks-diplomat Anar Həsənov Azadlıq Radiosuna danışır
"Səfir və mühasib əlbir olaraq əslində olmayan katibə üçün maaş yazıblar. Ona ayda 2700 ABŞ dolları məbləğində əməkhaqqı yazıblar." - bunu Azərbaycanın Avstraliyadakı keçmiş diplomatı Anar Həsənov AzadlıqRadiosuna bildirib. O deyir ki, onun guya siyasi sığınacaq üçün yerli hökumətə müraciət etməsi barədə yayılan xəbərlər doğru deyil.