Rusiya orta və kiçik mənzilli raketlərin ləğvi ilə bağlı müqavilədə iştirakını dayandırır.
RİA “Novosti”- nin fevralın 2-də verdiyi məlumata görə,bunu Rusiya prezidenti Vladimir Putin, xarici işlər naziri Sergei Lavrov və müdafiə naziri Sergei Shoygu ilə görüşdə deyib.
“Amerikalı tərəfdaşlarımız elan elədilər ki, bu müqavilədə iştiraklarını dayandırırlar. Ona görə də biz də dayandırırıq. Onlar, elmi-tətdiqat və təcrübəli konstruktor işi ilə məşğul olduqlarını açıqladılar. Bunu biz də edəcəyik”, Putin deyib.
ABŞ prezidenti Donald Trump bundan əvvəl bəyan etmişdi ki, ABŞ fevralın 2-dən bu müqavilədən çıxmağa başlayacaq.
Həmin müqaviləni 1987-ci ildə prezidentlər Ronald Reaqan ilə Mikhail Gorbachev imzalamışdılar.
ABŞ hesab edir ki, Rusiya silahlı qüvvələrinə 9M729 “Novator” raketinin qəbulu bu müqavilənin şərtlərini pozur.
Moskva ittihamı rədd edir.
