Fransa prezidenti Belarus xalqına müraciət edib
Fransa prezidenti Emmanuel Makron sosial şəbəkələrdə belarus xalqına müraciət edib.
"Belarus Rusiyanın Avropaya yönəlmiş nüvə raketləri üçün məkana çevrilə bilməz. Belarus gənclərinin Avropa, demokratiya və azadlığı seçmək hüququ var. Biz buna hazırıq. Belarusun gələcəyi üçün. Ukrayna üçün. Avropa üçün".
Bu gün Belarusda ölkə Konstitusiyasına əlavə və dəyişikliklərlə bağlı referendum keçirilir. Əgər onlar təsdiqlənsə, Belarus neytral dövlət statusundan imtina edəcək.
Putin strateji çəkindirmə qüvvələrinə xüsusi döyüş növbətçiliyinə keçirməyi əmr edib
O, belə bir əmri Kremldə keçirilən görüşdə müdafiə naziri Sergey Şoyqu və Baş Qərargah rəisi Valeri Gerasimova verib. Putin “aparıcı NATO ölkələrinin yüksək vəzifəli şəxslərinin” Rusiyaya qarşı “aqressiv bəyanatlarına” istinad edib. Putin Rusiyaya qarşı sanksiyaları da “qanunsuz” adlandırıb.
Xarkova hücumun qarşısı alınıb
Ukraynanın Strateji Rabitə və İnformasiya Təhlükəsizliyi Mərkəzi səhər saatlarında Rusiya texnikasının və hərbi personalının Xarkov ərazisinə müdaxiləsinin dayandırıldığını bildirib.
Sosial şəbəkələrdə istifadəçilər zədələnmiş avadanlıq haqqında məlumat dərc edirlər.
Almaniya Rusiya təyyarələri üçün səmasını 3 ay müddətinə bağlayır
İtaliya və Almaniya Rusiya üçün hava məkanını bağlayır. Almaniyanın bununla bağlı qərarı fevralın 27-si Moskva vaxtı ilə saat 17:00-da qüvvəyə minir. Rusiya təyyarələri üçün Almaniya hava məkanı 3 ay müddətinə bağlı qalacaq.Bu barədə "Handelsblatt" qəzeti Almaniya Nəqliyyat Nazirliyinə istinadən xəbər verir.
İsveç də hava məkanını bağlayacaq, AB naziri Hans Dahlqren İsveç Radiosuna müsahibəsində bildirib.