Litvadan olan sənədli filmlər rejissoru Mantas Kvedaraviçyus Mariupolda həlak olub
Hələ də küçə döyüşlərinin davam etdiyi bir şəhərdə o, döyüşün nəticələrini sənədləşdirdi. Rejissorun son filmlərindən biri olan "Mariupolis" elə hazırda qızğın döyüşlərin getdiyi şəhər haqqında idi və demək olar ki, heç bir siyasətin olmadığı cəbhə həyatından bəhs edirdi. Litvalı rejissor həm də məxfi şəkildə çəkilən Kadırovun Çeçenistanı haqqında “Barzax” sənədli filminin müəllifidir.
.
-Ukrayna tərəfi bildirir ki, sülh razılaşması barədə layihələr Ukrayna və Rusiya prezidentlərinin müzakirəsinə hazırdır.
-Çernobıl Atom Elektrik Stansiyasının üzərində yenidən Ukrayna bayrağı dalğalanır.
-Dnepropetrovsk və Poltava vilayətləri raket hücumlarına məruz qalıb, Xarkov artilleriyadan atəşə tutulub, Donetsk, Luqansk və Xerson vilayətlərinin atəşə tutulması dayanmayıb.
-Prezident Vladimir Zelenskinin müşaviri Aleksey Arestoviç deyib ki, qarşıda Ukraynanın cənubu və şərqi, Mariupol uğrunda ağır döyüşlər durur.
-Rusiyada müharibə əleyhinə keçirilən aksiyalarda yüzlərlə etirazçının saxlandığı bildirilir.
-Litva aprelin əvvəlindən Rusiyadan qaz idxalını tamamilə dayandırıb.
Rusiya ordusunun çıxarıldığı ərazilərdə xeyli sayda mülki insan təlafatı var
Kiyev vilayəti tamamilə Ukrayna Silahlı Qüvvələrinin nəzarətinə keçib. Ukrayna hərbçilərinin və KİV-in məlumatlarına görə, Rusiya qoşunlarının tərk etdiyi ərazilərdə xeyli mülki insan təlafatı var. Bundan başqa bir çox mülki infrastruktur obyektləri minalanıb.
Amerika Birləşmiş Ştatları (ABŞ) Sovet istehsalı olan tankların Avropa İttifaqı (Aİ) ölkələrindən Ukraynaya ötürülməsində vasitəçi olacaq. Ətraflı