Ermənistanda sentyabrın 23-də Yerevan şəhər şurasına(Ağsaqqalar şurası) seçki keçirilir.
Bu indiki baş nazir Nikol Pashinianın hakimiyyətə gəlməsindən sonra ölkədə keçirilən ilk seçkidir.
AzadlıqRadiosu erməni xidmətinin Mərkəzi seçki komissiyasına istinadla verdiyi məlumata görə, yerli vaxtla saat 14:00-dək 23 faizdən çox seçici səs verib.
Seçkiləri 1 beynəlxalq təşkilat, 662 yerli müşahidəçi və qonaq kimi 11xarici vətəndaş izləyir.
Həmçinin seçkini 44 yerlivə 5 xarici kütləvi informasiya vasitəsi işıqlandırır.
Seçkidə 12 partiya və seçkiqabağı blok mübarizə aparır.
Seçkidə səslərin yarıdan çoxunu toplayan udan siyasi qüvvənin namizədi birbaşa Yerevan meri olacaq.
Əgər tərəflərdən heç biri bunun üçün lazım olan səsi toplaya bilməsələr, onda mer şəhər şurasında gizli səsvermə ilə seçiləcək.
Şuranın 65 üzvü olacaq.
Qeydiyyata alınmış seçicilərin sayı 848343 nəfərdir.
Səsvermə yerli vaxtla axşam saat 20-dək davam edəcək.
