«Biz həmişə seçkidə iştirakın tərəfdarı olmuşuq»

Terri Devidson

«Biz həmişə fəal demokratik debatın getməsi üçün seçkidə iştirakın tərəfdarı olmuşuq».

ABŞ səfirliynin ictimaiyyətlə əlaqələr departamentinin rəhbəri Terri Devidson bir qrup müxalifət partiyasının seçkini boykot qərarını şərh edərkən belə deyib.

Devidson bildirib ki, onlar seçkidə mümkün qədər geniş iştirakın olacağına ümid ediblər:
«Çünki demokratiya müxtəlif fikirlərin olduğu şəraitdə inkişaf etməlidir. Amma yenə də iştirak etmək qərarını onlar verirlər, biz yox».

«Azadlıq» bloku, Müsavat, Demokrat və bir sıra başqa partiyalar prezident seçkisində iştirakdan imtina haqqında qərar qəbul ediblər.

Azərbaycanda prezident seçkisi oktyabrın 15-də keçiriləcək.