İqtisadi İnkişaf naziri Heydər Babayev «Barmek-Azərbaycan» Elektrik Şəbəkəsi Məhdud Məsuliyyətli Cəmiyyətin fəaliyyətini dayandırmasının ölkədəki investisiya mühitinə təsir etməyəcəyni bildirib. Onun fikrincə, «Barmek»i ümumiyyətlə sərmayəçi saymaq olmaz - şirkət üzərinə düşən sərmayə öhdəliklərini yerinə yetirməməklə yanaşı, fəaliyyətində qanun pozuntularına da yol verib.
Məhkəmə müəssisənin bank hesabına və daşınmaz əmlakına həbs qoysa da, şirkət İqtisadi İnkişaf Nazirliyinin müraciəti əsasında çıxarılan bu qərarı əsassız sayır və onun ləğvinə çalışır.