Amerika prezidenti Barak Obamanın milli təhlükəsizlik məsələləri üzrə məsləhətçisi deyib ki, Əfqanıstanda Əl Qaidənin fəaliyyəti kəskin şəkildə azalıb. Ceyms Cons onu da əlavə edib ki, Talibanın zəiflədiyi ölkədə heç bir qaçılmaz risk mövcud deyil. Ceyms Consun CNN-ə verdiyi bu açıqlama Əfqanıstanın şərqindəki hərbi döyüşdə səkkiz amerikalı əsgərin ölümündən sonraya təsadüf edir. Bu, bir ildən də çox zaman ərzində Amerika qoşunu üçün ən ağır döyüş olub.
