Bu gün Rusiya prezidenti Dmitri Medvedyev televiziya ilə xalqa müraciət edəcək. Ənənəvi illik müraciətdə prezidentin əsas diqqəti Rusiyanın təbii ehtiyatlara əsaslanan iqtisadiyyatını müasirləşdirmək səylərinə yönəldəcəyi gözlənilir.
Rusiya qlobal maliyyə böhranından ən çox ziyan görən ölkələrdən biri hesab olunur. Dünya Bankı neftin qiymətinin qalxmasına baxmayaraq, bu il Rusiya iqtisadiyyatının həcminin 8,7 faiz azalacağını proqnozlaşdırır.