NATO ölkələrinin xarici işlər nazirləri Brüsseldəki toplantıda Taliban və Əl-Qaidəyə qarşı mübarizə strategiyasını da müzakirə edəcəklər.
Bir neçə gün öncə ABŞ prezidenti Barak Obama Əfqanıstana əlavə 30 min Amerika hərbçisi göndərmək qərarını açıqlamışdı. Bunun ardınca NATO-nun bəzi digər ölkələri də əlavə 5 min hərbçi göndərəcəklərinə söz vermişdilər.
Yeni göndərilən hərbçilərlə birlikdə Əfqanıstanda müttəfiq qoşunların sayı 140 minə çatacaq ki, bunun da 100 mini Amerika hərbçisi olacaq.