Bu mükafata müxtəlif nominasiyalar üzrə bir çox şəxslər, o cümlədən Heydər Əliyev Fondunun Rusiya nümayəndəliyinin rəhbəri Leyla Əliyeva, Gənclər və İdman naziri Azad Rəhimov, deputat Əkrəm Abdullayev, müğənni Aysel Teymurzadə layiq görülüb
APA-nın məlumatına görə, Gənclər Təşkilatları Milli Şurası (GTMŞ) və Azərbaycanın Gənclər və İdman Nazirliyinin birgə təşkilatçılığı ilə “Fəxri gənc” mükafatının təntənəli təqdimetmə mərasimi keçirilib.
GTMŞ sədri Fuad Muradov “Qızıl döş” nişanı və diplomdan ibarət mükafatın artıq üçüncü ildir Azərbaycanda gənclər siyasətinə təkan olan insanlara, bilik və bacarıqları ilə fərqlənən gənclərə, təşkilatlara təqdim olunduğunu deyib.