Azərbaycan ordusunun daha bir əsgəri ölüb

Azərbaycan ordusunun daha bir əsgəri ölüb. Ağdam rayonunda yerləşən «N» saylı hərbi hissəsinin əsgəri 19 yaşlı Amil Rəşid oğlu Kərimov silahı boşaldarkən onunla ehtiyatsız davranıb. Nəticədə atəş açılıb və əsgər yoldaşı 19 yaşlı Rufət Zaur oğlu Səmədov aldığı güllə yarasından həlak olub.

Hadisə sentyabrın 16-ı səhər baş verib.

Bu barədə AzadlıqRadiosuna Müdafiə Nazirliyinin mətbuat xidmətindən məlumat verilib.

Həlak olan əsgər Qaradağ rayonundan həqiqi hərbi xidmətə çağırılıb.

Faktla bağlı cinayət işi başlanılıb, araşdırma aparılır.