Qazaxıstan prezidenti Nursultan Nazarbayev noyabrın 18-də Xəzəryanı ölkələrin dövlət başçılarının Bakı sammitində iştirak edəcək.
APA-nın məlumatına görə, bu barədə Qazaxıstan Xarici İşlər Nazirliyinin rəsmi nümayəndəsi Askar Abduraxmanov keçirdiyi brifinqdə bildirib. O deyib ki, sammitdə Xəzərin hüquqi statusu və Xəzəryanı ölkələrin digər aktual aspektlərdə əməkdaşlığına dair, o cümlədən təhlükəsizliyin təmin olunması ilə bağlı fikir mübadiləsi aparılacaq.
Zirvə toplantısına 5 Xəzəryanı ölkənin - Azərbaycan, Rusiya, İran, Qazaxıstan və Türkmənistan rəhbərləri qatılacaq.
Dövlət başçılarının sonda Bəyannamə imzalayacaqları bildirilir.