Gəncənin bir qrup sakini ilə polis arasında qarşıdurma olub
Şəhərin Nərimanov prospekti, bina 30-da yerləşən mənzillərin layihədən kənar artırılan hissələrinin sökülməsinə başlanıb. Bu isə sakinlərin narazılığına səbəb olub:
«20 ildir ki, bizim mənzilimizdə artırma var, bu qədər icra başçısı olub, heç biri bunu sökməyib, indi təzə gələn başçı belə bir göstəriş verib».
Sakinlər AzadlıqRadiosuna həmçinin deyiblər ki, mənzilləri darısqal olduğundan yerli icra strukturlarının razılığı ilə artırma işləri aparıblar. Onlar indi söküntü əvəzində kompensasiya tələb edirlər.
Sakinlərin etirazları zamanı polislə qarşıdurma olub. Aralarında qadın olmaqla bir neçə nəfərin saxlandığı bildirilir.
Gəncə polis İdarəsinin rəisi Rasim Musayev AzadlıqRadiosuna mənzillərdə artırma işlərinin sökülməsini təkzib edib. O, deyib ki, binaların qarşısında səki düzəldilir və heç kim saxlanmayıb.
Şəhərin Nərimanov prospekti, bina 30-da yerləşən mənzillərin layihədən kənar artırılan hissələrinin sökülməsinə başlanıb. Bu isə sakinlərin narazılığına səbəb olub:
«20 ildir ki, bizim mənzilimizdə artırma var, bu qədər icra başçısı olub, heç biri bunu sökməyib, indi təzə gələn başçı belə bir göstəriş verib».
Sakinlər AzadlıqRadiosuna həmçinin deyiblər ki, mənzilləri darısqal olduğundan yerli icra strukturlarının razılığı ilə artırma işləri aparıblar. Onlar indi söküntü əvəzində kompensasiya tələb edirlər.
Sakinlərin etirazları zamanı polislə qarşıdurma olub. Aralarında qadın olmaqla bir neçə nəfərin saxlandığı bildirilir.
Gəncə polis İdarəsinin rəisi Rasim Musayev AzadlıqRadiosuna mənzillərdə artırma işlərinin sökülməsini təkzib edib. O, deyib ki, binaların qarşısında səki düzəldilir və heç kim saxlanmayıb.