Əfqanıstanda “Əl-Qaidə”yə bağlı olan “Hakkani” terror şəbəkəsinin liderlərindən biri İsmail Khan öldürülüb. Bu şəbəkənin üzvləri Kabildəki Intercontinental otelinin partladılmasında şübhəli bilinir. İyunun 28-də baş verən həmin partlayışda 13 adam həlak olmuşdu.
NATO-nun Əfqanıstandakı komandanlığından verilən məlumata görə, İsmail Khan Paktiya əyalətində endirilmiş hava zərbələri nəticəsində ölüb. Onun ölümü haqqında ətraflı məlumat verilmir.