BMT Suriyadakı vəziyyəti müzakirə edib

BMT Təhlükəsizlik Şurasının qapalı toplantısında Suriyadakı vəziyyət müzakirə olunub. Böyük Britaniyanın BMT-dəki nümayəndəsi Filip Parhem bildirib ki, əgər Suriya hakimiyyəti müxalifətə qarşı silahlı təzyiqlərini dayandırmasa, Təhlükəsizlik Şurası əlavə addımlar atacaq.

BMT-nin hesabatına görə, Suriyada başlanan etiraz aksiyalarından bu yana 2 min adam ölüb, 13 min adam həbs olunub, on minlərlə adam qonşu Türkiyəyə qaçıb.