Feyziyyə Hacıyeva
Kimliyi bilinməyən hakerlər oktyabrın 6-da Ədəbiyyat üzrə Nobel mükafatı İsveç şairi Tomas Tranströmerə verilməmişdən az əvvəl bir sıra nüfuzlu KİV-ləri tora salan hoqqa çıxarıblar.
Belə ki onlar Nobel Mükafatının saytına bənzər saxta sayt yaradaraq oraya 2011-ci il üzrə Nobel mükafatının tanınmış serb yazıçısı Dobritsa Çosiçə verilməsi haqda xəbər yerləşdiriblər.
Yalan məlumatda deyilirdi ki, İsveç Akademiyası mükafatı Çosiçə "20 əsrin son dissidenti kimi" verib.
Hakerlərin toruna Belqradın B-92 radiosu, dövlət televiziyası və bir neçə özəl informasiya agentliyi düşüb.
"Kimsə bu fırıldağı əvvəlcədən çox diqqətlə planlaşdırmaq üçün tər töküb" - deyə sonradan yalan xəbəri proqramdan çıxaran B-92 radiosu bildirib.
Hakerlər xəbəri Asoşieytid Press və digər nüfuzlu informasiya agentliklərinə də yollayıblar.
E-mail Serbiyanın İncəsənət və Elm Akademiyasının adından göndərilib və saxta sayta link verilib.
Çosiç həmin akademiyanın üzvüdür.
Akademiya bəyanat verərək yalan xəbərin ona aidiyyatı olmadığını bildirib: "Bu, Serbiya üçün mühüm bir təsisatı və ölkənin ictimai dəyərlərini ələ salmaqdır" - deyə akademiyanın bəyanatında deyilir.
90 yaşlı yazıçı Dobritsa Çosiç qısa müddət ərzində - 1992-ci ildə Serbiya və Çernoqoriyadan ibarət Yuqoslaviyanın prezidenti də olub.
Qanlı etnik konfliktə gətirib çıxarmış serb millətçiliyinin ideoloqlarından olan yazıçı Serbiya diktatoru Slabodan Miloşeviçlə də sıx əlaqələrə malik olub.
Kimliyi bilinməyən hakerlər oktyabrın 6-da Ədəbiyyat üzrə Nobel mükafatı İsveç şairi Tomas Tranströmerə verilməmişdən az əvvəl bir sıra nüfuzlu KİV-ləri tora salan hoqqa çıxarıblar.
Belə ki onlar Nobel Mükafatının saytına bənzər saxta sayt yaradaraq oraya 2011-ci il üzrə Nobel mükafatının tanınmış serb yazıçısı Dobritsa Çosiçə verilməsi haqda xəbər yerləşdiriblər.
Yalan məlumatda deyilirdi ki, İsveç Akademiyası mükafatı Çosiçə "20 əsrin son dissidenti kimi" verib.
Hakerlərin toruna Belqradın B-92 radiosu, dövlət televiziyası və bir neçə özəl informasiya agentliyi düşüb.
"Kimsə bu fırıldağı əvvəlcədən çox diqqətlə planlaşdırmaq üçün tər töküb" - deyə sonradan yalan xəbəri proqramdan çıxaran B-92 radiosu bildirib.
Hakerlər xəbəri Asoşieytid Press və digər nüfuzlu informasiya agentliklərinə də yollayıblar.
E-mail Serbiyanın İncəsənət və Elm Akademiyasının adından göndərilib və saxta sayta link verilib.
Çosiç həmin akademiyanın üzvüdür.
Akademiya bəyanat verərək yalan xəbərin ona aidiyyatı olmadığını bildirib: "Bu, Serbiya üçün mühüm bir təsisatı və ölkənin ictimai dəyərlərini ələ salmaqdır" - deyə akademiyanın bəyanatında deyilir.
90 yaşlı yazıçı Dobritsa Çosiç qısa müddət ərzində - 1992-ci ildə Serbiya və Çernoqoriyadan ibarət Yuqoslaviyanın prezidenti də olub.
Qanlı etnik konfliktə gətirib çıxarmış serb millətçiliyinin ideoloqlarından olan yazıçı Serbiya diktatoru Slabodan Miloşeviçlə də sıx əlaqələrə malik olub.