Əfqan rəsmilərindən biri adının çəkilməməsi xahişi ilə bildirib ki, ABŞ əsgərinin güllələdiyi adamların ailələrinə təzminat ödənilib. Onun sözlərinə görə həlak olanların ailələrinə təxminən 46 min, yaralılara isə 10 min ABŞ dolları verilib.
Amma Əfqanıstandakı NATO qüvvələrinin sözçüsü təzminat ödənməsi barədə xəbəri təsdiq etməyib.
Martın 11-də baş vermiş həmin qırğına görə ABŞ əsgəri Robert Bales həbs edilib. O, əvvəlcədən hazırlaşmaqla 17 dinc sakini qətlə yetirməkdə ittiham olunur.
Bu hadisəyə görə Əfqanıstanda və Pakistanda ABŞ əleyhinə qəzəbli etiraz aksiyaları keçirilmişdi.