Avqustun 16-da Rusiyanın “Aeroflot” şirkətinin sözçüsü deyib ki, Nyu-Yorkdan Moskvaya uçan sərnişin təyyarəsi bomba xəbərdarlığı aldıqdan sonra İslandiyada təcili yerə enib. Onun sözlərinə görə, təyyarə havada olduğu vaxt naməlum şəxs tərəfindən “Aeroflot”a zəng daxil olub, bildirilib ki, təyyarədə partlayıcı qurğu yerləşdirilib. Təyyarə İslandiyaya təhlükəsiz çatıb və bununla bağlı tədqiqat aparılır.
