Almaniyanın “Der Spigel” həftəliyi İranın Hörmuz boğazından neft daşınmasını bağlamağa hazırlaşdığını yazır. Xəbərə görə Tehran bununla nüvə proqramına görə ona tətbiq olunan sanksiyaların aradan qaldırılmasını tələb edir. Amma hələlik bu məlumat müstəqil mənbələrdən təsdiqlənmir.
Almaniya dərgisi isə artıq Tehranın “Bulanlıq Su” adlı əməliyyat hazırladığını, dünyanın ən vacib enerji dəhlizi hesab edilən Hörmuza tanker göndərməyi planlaşdırdığını və yalnız İranın ali dini lideri ayətullah Əli Xameneyinin təsdiqindən sonra icra olunacağını yazır.
“Der Spigel” mənbə göstərmir, yalnız xəbəri kəşfiyat mənbələrindən aldığını bildirir.