Bakı məktəbində aparılan peyvənd zamanı 4 nəfərin halı pisləşib. Onlar xəstəxanaya yerləşdiriliblər.
Oktyabrın 17-də paytaxtın Xətai rayonunun 245 saylı orta məktəbində 9-cu sinif şagirdlərinə mantu sınağı qoyulub. Onlardan 4 nəfərinin səhhətində problemlər yaranıb.
6 saylı xəstəxananın baş həkimi Rumiyyə Sultanova AzadlıqRadiosuna bildirib ki, şagirdlərin səhhətinin pisləşməsinə səbəb peyvənd öncəsi yemək yeməmələri olub: «Mantunun keyfiyyətində heç bir problem yoxdur. Sadəcə, peyvənd qəbulu zamanı uşaqların ac olması onların səhhətinə təsir edib. 4 nəfər gətirmişdilər, ilkin tibbi yardımdan sonra 3-ü evə buraxılıb. 1-i isə hələ həkim nəzarəti altındadır».
Bakı şəhər Təcili və Təxirəsalınmaz Tibbi Yardım Stansiyasının operativ və hospital işlərinin təşkili şöbəsinin böyük həkimi Zemfira Vahidova isə APA-ya bildiirib ki, 245 saylı məktəbdə peyvənd olunan 9-10-cu sinif şagirdlərindən 7 nəfərə də yerində yardım edilib.
Mantu sınağını Xətai rayonundakı 4 saylı uşaq poliklinikası aparıb.
Oktyabrın 17-də paytaxtın Xətai rayonunun 245 saylı orta məktəbində 9-cu sinif şagirdlərinə mantu sınağı qoyulub. Onlardan 4 nəfərinin səhhətində problemlər yaranıb.
6 saylı xəstəxananın baş həkimi Rumiyyə Sultanova AzadlıqRadiosuna bildirib ki, şagirdlərin səhhətinin pisləşməsinə səbəb peyvənd öncəsi yemək yeməmələri olub: «Mantunun keyfiyyətində heç bir problem yoxdur. Sadəcə, peyvənd qəbulu zamanı uşaqların ac olması onların səhhətinə təsir edib. 4 nəfər gətirmişdilər, ilkin tibbi yardımdan sonra 3-ü evə buraxılıb. 1-i isə hələ həkim nəzarəti altındadır».
Bakı şəhər Təcili və Təxirəsalınmaz Tibbi Yardım Stansiyasının operativ və hospital işlərinin təşkili şöbəsinin böyük həkimi Zemfira Vahidova isə APA-ya bildiirib ki, 245 saylı məktəbdə peyvənd olunan 9-10-cu sinif şagirdlərindən 7 nəfərə də yerində yardım edilib.
Mantu sınağını Xətai rayonundakı 4 saylı uşaq poliklinikası aparıb.