Moskvada terrorda şübhəli bilinən 6 nəfər saxlanıb

Moskvada Hizbu Tahrir təşkilatının üzvü olmaqda şübhəli bilinən 6 nəfər saxlanıb. Bu təşkilat Rusiyada terror təşkilatı kimi tanınır.

Rusiya Daxili İşlər Nazirliyinin məlumatına görə, saxlananlar Moskvadakı məscidlərdə adamları cəlb etmək üçün çıxışlar edirmiş, qanunsuz ədəbiyyat yayırmış.

Saxlananlardan silah-sursat və qadağan olunmuş ədəbiyyat götürülüb.

Əməliyyat-axtarış tədbirlərinin davam etdiyi bildirilir.