Rusiyanın Xarici İşlər naziri Sergei Lavrov bildirir ki, “insan haqlarını pozan” ABŞ rəsmilərinə viza verməyəcəklər.
Dünən ABŞ Senatı Rusiyada məşhur anti-korrupsiya fəalı, hüquqşünas Sergei Magnitsky-nin ölümü və insan haqları pozuntuları ilə bağlı başqa cinayətlərdə adı hallanan Rusiya rəsmilərinə qarşı sanksiyaları təsdiq edib. Sergei Lavrov bildirir ki, Moskva cavab tədbirləri barədə dekabrın 5-da Dublində ABŞ Dövlət Katibi Hillary Clinton-u (Hillari Klinton) da məlumatlandırıb.
Rusiyanın Xarici İşlər Nazirliyi ABŞ Senatının həmin qərarını “absurd teatrının oyunu” adlandırıb.