Gəncədə Dövlət Yol Polisi İdarəsinin rəisi işdən çıxarılıb

Gəncə şəhər Dövlət Yol Polisi İdarəsinin rəisi Rafiq Məmmədov işdən çıxarılıb. Gəncə şəhər Baş Polis İdarəsindən verilən məlumata görə, onun vəzifəsinə hələ yeni rəis təyin olunmayıb.

Rəisin işdən azad olunmasının səbəbi bilinmir.

Rafiq Məmmədov 2012-ci ilin fevralından bu vəzifədə çalışırdı.

Gəncə şəhər Dövlət Yol Polisi İdarəsinin bundan əvvəlki rəisi Fazil Cəfərov isə 2011-ci ilin oktyabrında təqaüdə göndərilib.