-
Dünya boksunun əfsanəsi Mike Tyson indiyəcən bir çox bədii filmlərə və seriallara çəkilib. Daha doğrusu, orada özünü oynayıb.
Məsələn, Sylvester Stallone-nin “Rocky Balboa” filmində Tyson-u da görmək olar.
Britaniyanın “Mirror” qəzeti yazır ki, keçmiş dünya çempionu, William Shakespeare-in pyesi əsasında filmdə Otellonu oynamaq istədiyini bildirib:
“Otello – meydan oxumaq deməkdir. Mənə onu teatrda yox, kamera qarşısında oynamaq daha asan olardı. Çox çətin roldur, çox məşq etmək lazımdır. Bir qaradərili oğlanın Otellonu oynması əla olardı, elə deyilmi?”
2013-cü ildə rejissor Spike Lee-nin “Mike Tyson. Həqiqət şübhə doğurmur” adlı filmi ekranlara çıxmışdı. Tyson orada səhnədən tamaşaçılara öz həyatını danışır.