ABŞ prezidenti Barack Obama deyib ki, hərcənd uğursuzluq olsa da İslam Dövləti yaraqlıları İraqdan qovulacaq.
O bunu böyük 7-lər ölkələrinin Almaniya sammitindən sonra İraqın baş naziri Haidar al Abadi ilə görüşdə deyib.
Obama ölkəsinin İraqın təhlükəsizlik qüvvələrinə təlim keçmək və digər yardımlar göstərməkdə davam edəcəyini vəd edib.
Abadi isə yaraqlılarla mübarizədə İraqa gömək etdiklərinə görə, ABŞ və digər 7-lər ölkələrinə təşəkkür bildirib.
Obama deyib ki, Abadi İraqda bütün fraksiyaların iştirakı ilə hərtərəfli hökumət qurmağa çalışır, amma bunun üçün hələ çox iş görülməlidir.