Azərbaycanda ilk dəfə yaşıl çay zavodu açılıb.
Kənd Təsərrüfatı Nazirliyinin məlumatına görə, zavod "Astaraçay" MMC yanında açılıb.
2010-cu ildə yaradılan "Astaraçay" kənd təsərrüfatı müəssisəsinin hazırda 640 hektar əkin sahəsi var.
Bunun 400 hektarı yaşıl çay plantasiyalarıdır.
Çay sahələrində Gürcüstandan gətirilən "Kolxida" sortunun yerliləşdirilmiş növü əkilib. Bu sahələrdə yerli “Haşimi” və italya sortları da becərilir.
Gün ərzində müəssisədə 12 ton məsul buraxılır. Gələcəkdə gündəlik çay istehsalını 24 tona çatdırmaq nəzərdə tutulur.