Tələbə Qəbulu üzrə Dövlət Komissiyası iyulun 14-də ali məktəblərə cari ilin məzunları üçün I və IV ixtisas qrupları üzrə qəbul imtahanının nəticələrini açıqlayıb.
Nəticələri TQDK-nın internet saytı vəmobil telefonla iş nömrələrini 7727 nömrəsinə göndərməklə öyrənmək olar.
TQDK-nın internet saytında imtahanda iştirak edən 25 323 abituriyentin nəticələri yerləşdirilib.
İmtahanda I ixtisas qrupu üzrə 7, IV ixtisas qrupu üzrə isə 2 abituriyent bütün test tapşırıqlarına düzgün cavab verib və maksimum nəticə - 700 bal toplayıb.
İxtisas seçimi qəbul imtahanları başa çatdıqdan sonra iyulun 30-dan avqustun 11-dək aparılacaq.