-

AzadlıqRadiosu ötən həftənin maraqlı videolarını, reportajlarını bir yerə toplayıb. Videoları təqdim edirik:

1.

Sizcə kök qadınlar necə geyinməlidilər? Bu suala hərə bir cür cavab verir. Brazilyanın sənaye mərkəzi olan Sao Paulo şəhərində keçirilən moda həftəsinə toplaşanlar bu suala cavab axtarmağa çalışıblar. Bura toplaşanlar 90-60-90 bədən ölçülü qızlar deyil, kök xanımlardılar:

Kök qadınlar necə geyinməli

2.

2005-ci ildə homoseksualı öldürməyə görə 10 il həbs yatan yahudi həbsdən çıxdıqdan sonra yenə homoseksualların paradına gəlib və yenə də cinsi azlıqlara hücum edib. Schlissel adlı dindar deyir ki, Allahın adı ilə öldürməyə gəlib. O bir neçə nəfərə xəsarət yetirib. Polis dərhal onu saxlayıb:

Homoseksualın öldürməyə görə 10 il həbs yatan yahudi yenidən homoseksual bıçaqladı

3.

XXI əsrdə hələ də xəzinə axtaranlar var. İyunun 29-da xəzinə axtaranlar ailəsi Florida sahilləri yaxınlığında ümumi dəyəri milyon dollara yaxın qızıl sikkələr tapıblar. Reuters Agentliyi xəzinə axtaranların videosunu da yayıb

300 ildir itmiş milyon dollarlıq xəzinə tapıldı

4.

Azərbaycan Nəqliyyat Departamentinin işçiləri yenə də sürücü «ovuna» çıxıblar. Sadə insanların «qoçu» kimi tanıdığı idmançılar bu dəfə Qara Qarayev metrosu tərəfdə sürücünü saxlamağa çalışırlar. Sürücülər deyirlər ki, «qoçular» özlərini təqdim etmədən, sənəd göstərmədən sərnişin maşınlarına, taksilərə yaxınlaşıb açarları alıb, maşını cərimə meydançasına aparırlar. Oxucuların AzadlıqRadiosuna göndərdiyi videonu təqdim edirik:

Bakıda mülki geyimlilərin sürücü «ovu»- [video]

5.

Zibildən pul çıxarda bilərsiz? Bu çoxları kimi sizə də çətin görünə bilər. New- York-da zibildən belə pul çıxardırlar. Öncə şəhərdən zibillər toplanır, sonra isə zavoda göndərilir. New York zibilxanası hər ay 20 min tona qədər metal, plastic və şüşə tullantılar emal edir və satır. Daha ətraflı məlumat üçün:

Nyu-York şəhərinin zibili hara gedir?