-
AzadlıqRadiosunun Türkmənistanda saxlanmış müxbirinin anası deyir ki, iyulda saxlanandan bəri oğlunu görə bilmir.
Raysina Nepeskulieva avqustun 24-də AzadlıqRadiosuna deyib ki, təcridxana rəhbərliyi gətirdiyi ərzağı da qəbul etmirlər.
Saparmamed Nepeskuliev-in vəkillə təmin olunmaq üçün etdiyi müraciətlər də rədd olunub.
AzadlıqRadiosunun türkmən xidmətinin əməkdaşı olan 35 yaşlı Nepeskuliev iyulda itkin düşüb. Qohumları onu təcridxanada tapıblar.
Hakimiyyət jurnalistin “narkotik” həblər saxladığına görə həbs olunduğunu deyir. Həmkarları və anası onun heç vaxt narkotiklərlə probleminin olmadığını bildirir.