Beynəlxlaq Atom Enerjisi Agentliyi bu ayİrandan onun nüvə proqramı ilə bağlı xeyli məlumatlar aldığını bildirir.
Agentliyinin direktoru Yukiya Amano avqustun 25-də Vyanada jurnalistlərə bildirib ki, informasiyalar avqustun 15-də alınıb, amma qeyd edib ki, hələlik təzə nəsə olmasından danışmaq tezdir.
O həmçinin qeyd edib ki, təşkilat İranla bağlı prosesi davam etdirmək üçün üzv dövlətlərdən əlavə maliyyə istəyib.
İyulun 14-də İranla 6 dünya ölkəsi arasında əldə edilmiş yekun nüvə sazişində Tehranın nüvə proqramını dondurması, əvəzində ona qarşı beynəlxalq sanksiyaların aradan qaldırılması nəzərdə tutulur.