Azərbaycan və Türkiyə Hərbi Hava Qüvvələri birgə taktiki təlimləri çərçivəsində Hava Hücumundan Müdafiə qüvvələrinin praktiki döyüş atışlarını keçiriblər.
Bu barədə Azərbaycanın Müdafiə Nazirliyi məlumat yayıb.
“TurAz Qartalı - 2015” təlimlərində məqsəd hava məkanını pozan şərti düşmən hədəflərini aşkarlamaq və bu barədə məlumat vermək olub.
Təlimin əsas mərhələsində S-125 tipli zenit raket kompleksləri ilə hava məkanını pozan şərti düşmənin imitasiya hədəfləri dərhal məhv edilib.