Yerevanda polis elektrik enerjisinin bahalaşmasına qarşı etiraz edən aksiyaçılardan 5-i saxlanılıb.
Onla “Talana yox” hərəkatının fəallarıdır.
Qeyd edək ki, avqustun 1-dən Ermənistanda elektrik enerjisi 16 faiz bahalaşıb.
AzadlıqRadiosu erməni xidmətinin məlumatına görə, aksiyaçılar prezident aparatının qarşısına toplaşmağa cəhd göstərib, amma polis yolu bağlayaraq onları mühasirəyə alıb.
Onlar saxlananların buraxılmasını tələb edir və əks halda Baqramyan prospektini bağlamaqla hədələyirlər.
Bu ilin iyununda da Yerevanda elektrik enerjisinin bahalaşmasına qarşı kütləvi etiraz aksiyaları keçirilmişdi.
İyunun 23-də mitinq dağıdılarkən 237 nəfər saxlanmışdı.