-
Ukrayna şirkəti və onun rəhbəri ABŞ-a 30 milyon dollar ödəyəcək. Bu ödəniş ABŞ hakimiyyətinin ən böyük kibercinayət əməliyyatı adlandırdığı, 100 milyon dollarlıq istiqrazla bağlı iş çərçivəsində həyata keçiriləcək.
Jaspen Capital Partners Limited və rəhbəri Andriy Supranonok 2010-2015-ci illərdə qazanıldığı iddia olunan “qanunsuz gəlirləri” qaytarmağa razılaşıblar. Onlar həmin qazancı Ukraynada yerləşən kompüter həkinq şəbəkəsi vasitəsilə korporativ açıqlamaları oğurlayıb ordakı informasiyadan yararlanaraq əldə ediblər.
Təqsirləndirilənlər nə günahlarını etiraf ediblər, nə də yalanlayıblar. Ancaq onlar gələcəkdə istiqraz qanunlarını pozmamaq öhdəliyi götürüblər.