Bağdadda törədilən 2 partlayışda azı 14 nəfər ölüb.
Partlayışı ölümə gedən intiharçılar törədib.
İraq rəsmilərinin sözlərinə görə sentyabrın 17-də edilən hücumda hədəf paytaxtın ticarət rayonlarındakı polis məntəqələri olub.
Partlayışlardan birində 8 dinc sakin və 1 polis zabiti ölüb, 21 nəfərsə xəsarət alıb. Al Vatba rayonunda törədilən partlayışda isə2 polis də daxil olmaqla 5 nəfər ölüb,12 nəfər yaralanıb.
Partlayışa görə cavabdehliyi hələlik heç kim üzərinə götürməyib.
Amma bunun İslam Dövləti qrupu tərəfindən törədildiyi güman edilir.