-
Günlərdir Xorvatiyanın Serbiya ilə sərhədində gözləyən yük maşınlarının sürücüləri sentyabrın 22-də gecə iki ölkə arasındakı magistral yolu bağlayıblar.
Serbiyanın TV RTS dövlət televiziyası Belqrad-Zaqreb şosesinin bağlandığını göstərib. Bu aksiyadan bir neçə saat öncə isə Xorvatiya hökuməti sentyabrın 21-də yük daşınmasına qoyduğu qadağanı qismən qaldırıb.
Adının Emin olduğunu deyən sürücü bildirib ki, etiraza əl atmaqdan başqa yolları qalmayıb, günlərdir sərhəddə gözləyiblər.
Sentyabrın 22-dən isə Belqrad qaçqınları idarə etmək üçün AB-dən dəstək də almağa başlayıb. Serbiya çarpayı, döşək, gigiyenik vasitələr, ərzaq, yanacaq istəyib.