Sumqayıt Apellyasiya Məhkəməsi sentyabrın 29-da jurnalist Seymur Həzi barəsində hökmü qüvvədə saxlayıb.
Bu barədə AzadlıqRadiosunun müxbiri xəbər verir.
Abşeron rayon məhkəməsi yanvarın 29-da “Azadlıq” qəzetinin əməkdaşı və “Azərbaycan saatı” proqramının aparıcısı Seymur Həzini xuliqanlıqda təqsirli bilərək 5 il azadlıqdan məhrum edib.
O 2014-cü il avqustun 29-da saxlanıb.
Məhərrəm Həsənov adlı şəxslə dalaşmaqda, xüliqanlıqda ittiham olunur.
Hadisənin digər iştirakçısı Məhərrəm Həsənov isə 6 ay həbs cəzası alıb və artıq cəzasını çəkib.
Seymur Həzi ittihamı rədd edir və həbsinin fəaliyyəti ilə bağlı olduğunu deyir.