-
Azərbaycanın müdafiə naziri Zakir Həsənov Türkiyə Silahlı Qüvvələrinin Baş Qərargah rəisi ordu generalı Hulusi Akar-ı qəbul edib.
Z.Həsənov iki ölkə arasında hərbi işbirliyinin inkişafındakı xidmətlərinə görə türkiyəli generala «Hərbi əməkdaşlıq ali xidmət medalı»nı təqdim edib.
«Bu medalı Azərbaycan-Türkiyə dostluq və qardaşlığının nişanəsi olaraq, daima qəlbimin üzərində daşıyacağam», - deyə H.Akar bildirib.
H.Akar Azərbaycan Silahlı Qüvvələrinə uğurlarının davam etməsini arzulayıb.
Tərəflər iki ölkə arasında hərbi əməkdaşlığa dair məsələləri müzakirə edib.
Hulusi Akar-ın başçılıq etdiyi nümayəndə heyəti oktyabrın 5-dən Azərbaycandadır. Səfər ayın 7-də başa çatacaq.
Hulusi Akar-ı prezident İlham Əliyev də qəbul edib.