Şəkidə kurqanda qanunsuz qazıntı ilə bağlı cinayət işi açılıb
Şəkidə eradan əvvəl II-IV əsrlərə aid olan kurqanda qanunsuz qazıntı işləri aparılması ilə bağlı cinayət işi açılıb.
Məlumatı Şəki Şəhər-Rayon polis Şöbəsinə istinadən APA yayıb.
Məlumata görə, rayonun Cəfərabad kəndinin inzibati ərazisində yerləşən, eradan əvvəl II-IV əsrlərə aid olan kurqanda qanunsuz qazıntı işləri aparılması ilə bağlı araşdırmalar aparılır. Faktla bağlı hələ ki, saxlanılan yoxdur.
Naməlum şəxslər oktyabrın 9-da Kurqanda ağır texnika ilə qanunsuz qazıntı işləri aparıb. Kurqanın diametri 12 metrdən çox olan zireh hissəsi dağıdılıb, amma qəbrə toxunulmayıb.
Onların qızıl axtardıqları ehtimal olunur.