-
Oktyabrın 15-də Bakıda və Abşeron yarımadasında az yağış yağacaq.
Günün ikinci yarısında havanın dəyişkən buludlu olacağı gözlənilir. Mülayim şimal-şərq küləyi əsəcək.
Ekologiya və Təbii Sərvətlər Nazirliyinin məlumatına görə, Abşeron yarımadasında gecə 12-15, gündüz 16-19 dərəcə isti olacaq.
Azərbaycanın rayonlarında da arabir yağış yağacaq. Səhər ayrı-ayrı yerlərdə duman olacaq. Gecə 9-14, gündüz 17-22, dağlarda gecə 2-7, gündüz 10-15 dərəcə isti olacaq.
Azərbaycan ərazisində qeyri-sabit hava şəraiti oktyabrın 17-ə qədər davam edəcək.